अक्सफर्ड खँग्वःधुकुतिइ 'LOL' व 'OMG'

इन्टरनेट च्याट, मोबाइल टेक्स्टिङ व सोसल नेटवर्क साइटय् छ्यलीगु 'LOL' व 'OMG' खँग्वः आः अक्सफर्डया अंग्रेजी खँग्वः धुकू (Dictionary) दुने नं दुथ्याःगु दु । म्हिगः बिहिवाः पिथंगु अक्सफर्ड खँग्वःधुकूया लिपांगु अपडेटनिसें थुगु खँग्वःत नं उकिइ दुथ्याःगु खः ।

'तसकं न्हिलेगु' ('Laughing Out Loud') यात चीहाकलं 'LOL' व 'हे भगवान' ('Oh My God', 'Oh My Goodness') धायेत 'OMG' - च्याट वा एसएमएस आदिइ छ्यला वयाच्वंगु दु । म्हिगःनिसें थुपिं खँग्व छगू कथं 'आधिकारिक खँग्वः' जूगु दु । थुपिंलिसें इन्टरनेटय् छ्यलाबुला वयाच्वंगु 'wassup' ('What's Up?'/ 'छु दु?' धायेत छ्यलीगु खँग्वः) आदि थीथी 'स्ल्याङ' खँग्वः म्हिगःनिसें अक्सफर्डया अंग्रेजी खँग्वः धुकुतिइ दुथ्याःगु दुसा मुक्कं १९०० खँग्वः परिमार्जित जूगु खँ अक्सफर्ड युनिभर्सिटी प्रेशं न्ह्यथंगु दु ।

More Stories Like this