टेकुइ गोली कयेकल, छम्ह सित, छम्ह घाःपाः

येँया टेकुस्थित सिप्रदी ट्रेडिङया कर्मचारीयात म्हिगः बहनी गोली कयेकूपिन्त प्रहरीं मज्वंगु धासें शुक्रवाः स्थानियमनूतयसं ब्वज्या यानाच्वंगु दु ।

स्थानीय सर्वसाधारण व पिडितया थःथितितय्सं याःगु ब्वज्याया हुनिं टेकु क्षेत्र सुथंनिसें तनावपुर्ण जूगु दुसा लँय् पंगः थनाब्यूगुलिं ट्राफिक व्यवस्थापनय् समस्या खनेदुगु दु ।

समान्य चहलपहल जुयाच्वंगु इलय् म्हिगः बहनी च्यातात्या इलय् मोटरसाइकलय् वःपिं निम्हेसिनं यल गोदाबारीया प्रेम महर्जन व पाल्पा छेँ दुम्ह सुदिप बस्यालयात गोली कयेकूगु खः । गोली लाना घाःपाः जूम्ह प्रेम महर्जनया वासः यायेगु झ्वलय् वंगु चान्हय् वीर अस्पतालय् सीगु खः । मेम्ह घाःपाः जूम्ह नीखुदँया सुदिप वस्यालया थापाथलीस्थित नर्भिक अस्पतालय् वासः जुयाच्वंगु दु । घाःपाः जूम्ह वस्यालया छातीइ गोली लाःगु दुसा स्वास्थ्य अवस्था खतरामुक्त जूगु वासः यायेगु ज्याय् दुथ्याम्ह चिकित्सकं धाःगु दु ।

घटनाय् ल्हाःदुपिन्त मालेगु ज्या जुयाच्वंगु प्रहरीं धाःगु दु । मोटरसाइकलय् वःपिं निम्ह म्हमस्युपिं मनूतय्सं बहनी सवा आठ बजे ज्याकूया स्वंगूगु तल्लाय् वना गोली चलेयाःगु खः । सिप्रदी ट्रेडिङया टेकुइ च्वंगु अधिकृत विक्रेता जूगु प्रहरीं धाःगु दु ।

News Location: