आइफिल टावरय् बम आतंक
फ्रान्सय् च्वंगु हिलंया हे नांजाःगु पर्यटकीय स्थल आइफिल टावरय् बुधवाः बम आतंक जूगु दु ।
छम्ह अज्ञात मनूखं आइफिल टावरय् बम मुइगु ख्याच्वः बीवं अन उगु आतंकया अवस्था ब्वलंगु खः । अज्ञात मनूया फोन ख्याच्वः नापं अन दुने वेवारिसे अवस्थाय् लुइकूगु छगू वस्तुया हुनिं उगु इलय् आइफिल टावर अवलोकन यानाच्वंपिं प्यद्वः पर्यटकतय्त अनं पिने ह:गु खः ।
३२४ मिटर तःहाःगु टावरं पर्यटकतय्त पिन हयेधुंकाः सुरक्षाकर्मीतय्सं याःगु सुरक्षाजाँचय् अन छुं नं विष्फोटक पदार्थ धाःसा मलूगु खँ अधिकारीतय्सं धाःगु दु । टावर दुने वेवारिसे अवस्थाय् दुगु वस्तु व अज्ञात फोनया दथुइ छु स्वापू दु वा मदु धइगु बारे धा:सा सीके मफुनी । घटनाया बारे थप अनुसन्धान जुयाच्वंगु दु ।
थ्वस्वयां न्ह्यः नं बम विष्फोट मयासां अलकायदा सम्बन्धित उत्तर अफ्रिकी पुचः व मेमेगू संस्थातय्सं अज्याःगु हे ख्याच्वः ब्यूगु खः । थुगुसी नं फ्रान्सं लिबियाय् कर्णेल गद्दाफी विरुद्ध अन्तर्राष्ट्रिय सैन्य हमला याःगुलिं अज्याःगु ख्याच्वः वःगु अनुमान याःगु दु ।
News Location:
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
