सुनसरीया थीथी थासं न्यागू बोरा चिट बरामद
सुनसरी सदरमुकाम इनरुवां प्रमुख जिल्ला अधिकारी प्रहरी प्रमुख व जिल्ला शिक्षा अधिकारीया मंकाः टोलीं थीथी खुगू ब्वनेकुथिं न्यागू बोरा चिट व गाइड बरामद याःगु प्रहरी जानकारी ब्युगु दु । सुनसरीया धरानं न परीक्षा हल दुने यंकूगु स्वंगः मोबाइल नापं छगू बोरा चिट व गाइड बारमद याःगु नं प्रहरीं धाःगु दु ।
अथेहे सुनसरीया थीथी थासय् ब्वनामितय्त चिट खुइकुम्ह छम्ह शिक्षक गार्ड नापं प्यम्हेसित प्रहरीं ज्वंगु दु । सुनसरीया झुम्का स्थित भासि उच्च माविं चिट खुइकाच्वंम्ह डुम्राहाया हेम नारायण चौधरी व पश्चिम कुशाहा स्थित कोशि जनता उच्च मािबं निम्ह ज्वंगु जिल्ला शिक्षा ज्याकू सुनसरीं धाःगु दु । अथेहे इनरुवाया शारदा उच्च मावि परिक्षाय् गार्ड च्वंम्ह रमेश खडकायात निष्कासन याःगु दु । खड्कां ब्वनामितय्त कक्षा दुने हे चिट खुइकूगु लुइकेवं खड्कायात निष्कासन याःगु खः ।
अथेहे बिराटनगर स्थित स्टार उच्च माविया प्रिन्सिपल नापं महेन्द् मोरङ क्याम्पसया सहायक प्रमुख डाक्टर उद्वव पोखरेलं ब्वनामितय्त चिट खुइकाच्वंगु इलय् ज्वंगु दु । चिट खुइकेत वय्कःयात ग्वाहालि याःपिं मेपिं झिंखुम्हेसित नं ज्वंगु दु । परीक्षा केन्द्र न्ह्यःने च्वंगु एक्सेल एकेडेमी ट्युसन सेन्टरय् न्ह्यसःपौ फोटोकपी याना नक्कल यानाब्यूगु द्वपनय् वय्कःयात थुनाय् तःगु प्रहरीं धाःगु दु ।
News Location:
Related Stories
थुगुसीया एसएलसी थनिंनिसें एसएलसी, जाँच बिइपिं पाँच लाख
