थुगुसीया एसएलसी
ब्वनामितय्गु नितिं नँया लुखा धयातःगु एसएलसी परीक्षा बिहीवाःनिसें सुरु जूगु दु । परीक्षा नियन्त्रण ज्याकूया कथं थौं न्हापांगु दिं अनिवार्य अंग्रेजीया परिक्षा जुयाच्वंगु दु । परीक्षा नियन्त्रक सूर्यप्रसाद गौतमया कथं सुथय् च्याता ई निसें स्वघौ तक जुइगु परिक्षा तराईया छुं केन्द्र बाहेक फुक्क थासय् शान्तिपूर्ण रुपय् क्वचाःगु दु ।
परिक्षाया नितिं देय्न्यंकं प्यंगू लख गुइखुद्वः निसः व पीस्वम्हे ब्वनामिं फर्म भरेयाःगुलिइ छुं थासय् बाहेम फुक्क केन्द्रय् परिक्षा इलय् सुरु जूगु खः । थुगु दँय् नियमितपाखे निगू लख नीगुद्वः न्हय्सः व गुइछम्ह छात्र व निगू लख खुद्वः खुसः व नीम्ह छात्रां ब्वति काःगु दु । एक्जाम्टेड परिक्षाय् छात्र नीन्याद्वः च्यासः व न्याम्ह दुसा स्वीप्यद्वः व नीन्हय्म्ह छात्रां ब्वति काःगु दु । परीक्षाया नितिं दिेय्न्यंकं मुक्कं िझंखुसः व न्हेनिगू परीक्षा केन्द्र क्वःछ्यूगु खः । परिक्षा केन्द्रय् मुक्कं पीन्हय्द्वः निसः व पीनिम्ह कर्मचारी खटेजूगु दु ।
सरकारं थुगु दँय् चिट खुइगु खुइकेगु व परीक्षायात अमर्यादित यायेत स्वःपिन्त तत्काल ज्वना सार्वजनीक अपराध ऐन अन्तर्गत मुद्दा चलेयाइगु जूगु दु । परीक्षा केन्द्रय् केन्द्राध्यक्ष बाहेक सुयात नं मोवाइल चलेयाके मब्यू । परीक्षा थ्वहे चैत १८ गते तक न्ह्याइ ।
Related Stories
सुनसरीया थीथी थासं न्यागू बोरा चिट बरामद थनिंनिसें एसएलसी, जाँच बिइपिं पाँच लाखMore Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं शिक्षक नियुक्तिया लँपु चाल लक्ष्मीनारायण-पुनमाया सिरपाः लःल्हात एसएलसीइ नेपालभाषा कयाः ब्वंपिंत हन
