यूकेय् विद्यार्थी भिषाया लागि कडा नियम
यूकें विद्यार्थी भिषाया लागि कडा नियम लागू याइगु जूगु दु । गुणस्तरिय शिक्षा कायम यायेत धयातःगु थथे कडा नियम लागू यानाः २५ प्रतिशत विद्यार्थी भिषाय् कटौटी यायेत्यंगु धाःगु दु । आः वइगु अप्रिल महिनानिसें हे छुं नियम लागू यानाः मेगु दँया अप्रिलतकय् थुपिं दक्वं नियम लागू जुइगु खँ यूकेया गृह सचिव थेरेसा में न्ह्यथंगु दु ।
आः लागू जुइत्यंगु न्हूगु नियम मुख्य रुपं क्वय् न्ह्यथना कथंया दु ।
• अप्रिल २०१२ निसें विद्यार्थी प्रायोजन याइगु शैक्षिक संस्था - वैधानिक शिक्षा निरीक्षण बोर्डं तोके याना तःगु तसकं विश्वासिलो संस्था जुइमाः । थौंकन्हय् न्ह्याग्गु नं स्कूल वा कलेजं विद्यार्थी प्रायोजन यायेफु ।
• यूके वइपिं दक्वं विद्यार्थीतय्के उच्च तहया भाषिक दक्षता दयेमाः । थुगु दक्षता क्षमता आः निम्न मध्यम (B1) दयेवं गानाच्वंगु खःसा थुकियात उच्च मध्यम (B1) य् हिलेत्यंगु दु ।
• इन्टरप्रेटरया ग्वहालि विना बांलाक अंग्रेजी भाषा न्ववाये मसःपिन्त यूके बोर्डर एजेन्सीया कर्मचारीं अयोज्ञ विद्यार्थी ठहर यानाः थःगु देसय् लित व्छयेफु ।
• कलेज वा युनिभर्सिटीं बिइफुगु ज्या त्वःताः पिने मेथाय् ज्या याये दइमखु ।
• पोष्ट ग्राजुयट विद्यार्थी त्वःताः मेपिन्सं थः डिपेन्डेन्टत हये दइमखु ।
• निम्न तहया शिक्षाया लागि दयाच्वंगु स्वदँया भीषा कायम हे जुइ तर उच्च तहया शिक्षाया लागि न्यादँया लागि भीषा कायम जुइ, व स्वयां अप्वः भीषा अवधि तनी मखु । थ्व स्वयां न्ह्यः उच्च तहया विद्यार्थीतय्त न्ह्याग्गु नं ईतकया भीषा बिया वयाच्वंगु खः ।
• अध्ययन लिपा ज्याया लागि न्हापा बिया वयाच्वंगु निदँया भीषा (तह १) खारेज जुइ । स्नातकोत्तरया विद्यार्थीतय् लागि जक उच्च दक्षताया आधारय् प्रायोजक दुपिं विद्यार्थीतय्त जक ज्याया लागि भीषा बिइगु जुइ ।
Related Stories
बेलायतं नेपाली विद्यार्थीया भिसाय् अस्थायी रोक भिसाया बारे बेलायतं हानं बिचा: याइगु कलेजया नामय् क्वथा छकूMore Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं शिक्षक नियुक्तिया लँपु चाल लक्ष्मीनारायण-पुनमाया सिरपाः लःल्हात एसएलसीइ नेपालभाषा कयाः ब्वंपिंत हन
