इजिप्टया जनता संवैधानिक संशोधनया पक्षय्

थ्यंमथ्यं न्यागू दशक ताःहाकःगु होसिनि मुबारकया सत्ता विरुद्ध जनतां याःगु विद्रोह लिपा जूगु जनमत संग्रहलय् इजिप्टया बहुमत जनतां संवैधानिक संशोधनया पक्षय् मत ब्यूगु दु ।

बहुमतं संवैधानिक संशोधनया पक्षय् मत बिइवं आः राष्ट्रपतिनाप स्वापू दुगु लगायत गुंगू बुँदाय् दुथ्याःगु विषयत संशोधन जुइ । गुकि राष्ट्रपतिया कार्यकाल प्यदँ जुइगु, छम्ह उम्मेदवारं निक्वः तक जक निर्वाचनय् ब्वति कायेदइगु, खुला स्वयां ताः ई संकटकाल घोषणा यायेमाःसा जनमत संग्रह पाखें जनताया मत कायेगु लगायतया दु ।

इजिप्टय् संवैधानिक संशोधन यायेगु वा मयायेगु धकाः जूगु जनमत संग्रहलय् ७७ प्रतिशतं जनतां संशोधन यायेगु पक्षय् मत ब्यूगु खः । शनिवाः जूगु जनमत संग्रहलय् छगू करोड ८० लख जनतां मत कुर्कूगु खः ।

मतदान याये योग्य मनूत पाखें निर्वाचनय् ४१ प्रतिशत जनता मत ब्यूगु खः । थुगु ल्याः इजिप्टय् आः तक जूगु निर्वाचनय् ब्वति काःगु दकलय् अप्वः ल्याः खः । थ्व स्वयां न्ह्यः दकलय् अप्व २५ प्रतिशत जनता जक निर्वाचनय् ब्वति का:गु तथ्यांक दु ।

More Stories Like this