बिन हमामपाखें फिफाया अध्यक्ष पदया निंतिं उम्मेदवारी

एसियाली फुटबल महासंघया अध्यक्ष मोहमद बिन हमामं थुगुसी जुइगु फिफाया अध्यक्ष पदया चुनावया निंतिं उम्मेदवारी घोषणा याइगु जूगु दु ।

६१दँया कतारी नागरिक बिन हमामं क्वालालम्पुरय् छगू पत्रकार सम्मेलन याना: लगातार छगू दशक निसें अध्यक्ष पदया जिम्मेवारी कयाच्वम्ह सेप ब्लाटरया विपक्षय् चुनावी मैदानय् कुहांवयेगु घोषणा यानादीगु खः ।

सन् २०२२य् कतारय् विश्वकप फुटबल धेंधेंबल्ला यायेत तःधंगु भूमिका म्हितादीम्ह हमामं थः फिफाया अध्यक्षय् पदय् त्याःसा फिफायात अझ अप्व पारदर्शी दयेकीगु व फिफाया निर्णय यायेगु निकाययात तब्याः यायेगु दावी यानादिल ।

वइगु जुन १ गते स्वीट्जरल्याण्डया जुरिचय् जुइगु फिफाया अध्यक्ष पदया दाबेदारी प्रस्तुत यायेत फिफानाप आबद्ध २०८देय्या महासंघ पाखें छगू देशं मनोनयन यायेमाःगु व्यवस्था दु । कतारया बिन हमामयात आःतक छुं नं राष्ट्रं मनोनयन याःगु मदुनीसाः ब्लाटरयात सोमालियां मनोनयान यायेधुंकूगु अवस्था दु ।

More Stories Like this