होली - संस्कृति ल्यंके, विकृति चिइके
रंगया पर्व होली थौं न्ह्याइपुक्क हनाच्वंगु दु । येँया ऎतिहासिक लाय्कु नापसं चीर स्वायेधुंकाः औपचारिक रुपं छवाःयंकंया होलीपुन्हि शुरु जूगु खः । तर होलीया मूदिं थौं होलीपुन्हिया रुपय् रंग व अबिर म्हिताः न्यायेका च्वंगु दु ।
होलीया खँ ल्हायेबलय् थ्वलिसे स्वाना वइगु विकृतियात नं लुमंकेगु यानाच्वंगु दु । रंगया पर्व व उत्साह, उमंग एवं भ्रातृत्वया पर्व कथं काइगु होलीयात थौंकन्हय् ल्याय्म्हतय्सं मिस्तय्त दुःख बीगु मौका कथं छ्यलाच्वंग दु । लँय् लँय् त्वाःत्वालय् मिजंमस्तय्सं होली शुरु जुइवं लँय् वक्व मिस्तय्त बेलुनं कयेकाः हीमी चायेकेगु यानाच्वंगु दु ।
होलीया ऐतिहासिक एवं धार्मिक सांस्कृतिक महत्व दु । उकिं थ्व नखःया महत्वयात ल्यंका तसें थुकिया मौलिक भावनायात प्रवयाये हनेमाःगु होलीयात मिस्तय्त बेलुन कयेकेगु वा लखं लुइकाः म्ह छम्हं प्याकाबीगु कथं जक कायेगु निश्चय नं होलीया नामय् वयाच्वंगु तःधंगु बिकृति खः ।
होली हनेबलय् उकिइ छ्यलीगु रंगं लायेफुगु नकारात्मक प्रभावनिसें होली म्हितेबलय् छ्यलीगु लखय् नं ध्यान बीमाः । ख ला नेवाःतय्सं थीथी रंगलिसे मखु अविरलिसे जक होली हनेगु याः, परम्परागत रुपं । छ्यंगूयात नकारात्मक प्रभाव लाइगु रंग छ्यलीगु व फोहर लः छ्यलाः होली म्हितेगु व ज्यां होली म्हितूपिंत ला क्षणिक लसता दुसां उकिं पीडित जूपिंत धाःसा ताःई तक हे नकारात्मक लिच्वः लाकाच्वनी । थ्व पक्षयात नं होली म्हितीपिन्सं ध्यानय् तयेमाःगु खनेदु ।
Related Stories
होलिया छुं रंग रंगया पर्व होली सुरुMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
