लण्डन ओलम्पिक २०१२या टिकट मीगु सुरु

Posted on Tue Mar 15, 2011 5:15 pm NST

सन् २०१२लय् लण्डनय् जुइत्यंगु ओलम्पिक कासाया टिकट सोमवाः निसें मीगु सुरु जूगु दु । ओलम्पिक सुरु जुइ न्यासः दिं न्ह्यः हे ग्वसाः खलकं इन्टरनेटय् आवेदन फर्म मार्फत टिकट मीगु सुरु याःगु खः ।

च्ययेच्यागू लख टिकट मध्ये खुइखुगू लख टिकट आवेदन फर्म मार्फत गोला प्रथा यानाः मीगु व्यवस्था यानातःगु दुसाः नीनिगू लख टिकट धाःसा थीथी देय्या ओलम्पिक कमिटीया दुजःत, पाहाँपिं, अन्तर्राष्ट्रिय ओलम्पिक कमिटीया पदाधिकारीत नापं कासायात प्रायोजन याःगु कम्पनी आदियात बीगु जूगु दु ।

ग्वसाः खलया कथं सर्वसाधारणया सुविधाया निंतिं थुगुसीया ओलम्पिकया दकलय् दंगु टिकटया मू २० पाउण्ड जक तुइ । अथेहे २,०१२ पाउण्ड वंगु टिकट धाःसा दकलय् थिकेगु टिकट जुइ ।