लिबियाय् छम्ह पत्रकारयात गोलीं कयेकाः स्यात

Posted on Sun Mar 13, 2011 5:15 pm NST

प्यंगू दशक ताःहाकःगु शासनया विरुद्ध जनप्रदर्शन जुयाच्वंगु लिबियाय् थौं छम्ह पत्रकारयउत गोलीं कयेकाः स्यानाब्यूगु दु ।

अल जजिरा टेलिभिजनया क्यामेरा पत्रकार अलि हसन अल जाबरयात बेन्गाजी शहरं लिहांवयाच्वंगु इलय् अज्ञात पुचलं गोलिं क्येकाः स्याना ब्यूगु खः । स्वंगः गोलीं लाम्ह अल जाबरयात गोलीं लायेवं अस्पताल यंकूगु खःसां वासः यायेगु झ्वलय् मदुगु खः । उगु घटनाय् लानाः अल जाबर नापं मेम्ह छम्हेसितं गोलीं लाःगु खः ।

घटना लिपा अल जजिरा टेलिभिजनया निर्देशक वादह खानफरं हत्याया विरुद्ध थःपिं सुम्क मच्वनीगु धासें सम्बन्धित निकाय पाखें न्यायया निंतिं सः ल्ह्वनीगु धयादिल ।