रंगया पर्व होली सुरु
रंगया पर्व होली थनिंनिसें विधिवत रुपय् बसन्तपुर नापं येँ, यल, ख्वप लाय्कू न्ह्यःने चीर थना सुरु यात । दँय्दसं चिल्लाथ्व अष्टमि अथेधयागु चीरअष्टमिया दिं थनीगु चीर थौं सुथय् ९ बजेजुया ४० मिनेटया साइटय् स्वंगुलिं लाय्कू बसन्तपुर गद्दीबैठक न्ह्यःने व येँ लाय्कू दुनेया मोहनकृष्ण चोकय् थन ।
ताःहाकःगु पँथय् स्वतजागु छत्र आकार दयेका रंगीचंगी कापःया टुक्रा खायातःगु चीर विधिवत रुपय् साय्मितय्सं थंगु खः । उगु इलय् गुरुजुया पल्टनं सलामी नापं स्वंगः तोपया बढाई याःगु खः । थनिनिसें होलीया म्ये हालेगु व धुन पुइगु याइ ।
होली व चीर द्वापर युगुय् कृष्णं क्यंगु थीथी लिलामध्येया छगू रास लिलानाप सम्वन्धित जू । गोकुलय् गोपिनीत यमुना खुसिइ निर्वस्त्र म्वः लुहयाच्वंगु इलय् कृष्णं गोपिनीया बस्त्र सिमाय् खायाब्यूगु प्रतिक कथं चीरयात कयातःगु दु ।
अथेहे विष्णुभक्त प्रल्हादयात अग्नी होमेयायेत होलीकां थःगु मुलय् तया होमेजूबले भष्म जूगु लसताय् होली न्यायेकूगु धापू नं दु । नापं रामं रावणयात बुकाः लसता उत्सव याःगु दिं नं होली हे खः धाइ । चीर थंगु च्यान्हूया दिं होली म्हितेगु याइसा बहनी चीर क्वथला होली क्वचायेकी ।
Related Stories
होलिया छुं रंगMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
