जापानय् परमाणु उर्जा प्लान्टय् विष्फोट, संकटकालया घोषणा
तःभुखाय् व विनाशकारी सुनामी पाखें आपालं क्षति याःगु कन्हय् कुन्हु जापानया फुकुसिमाय् दुगु उर्जा प्लान्टय् भयानक विष्फोट जूगु दु । तःभुखाय् ख्वाँउकेगु संयन्त्र असफल जुइवं उगु विष्फोट जूगु खः ।
राजधानी टोकियो पाखें २५० उत्तरय् लाःगु प्लान्टय् विष्फोट लिपा अनया छगू रियाक्टर पाखें रेडियोइक्टिभ ज्वलंत पिने वयेवं अन दुगु दक्वं नायावनीगु खतरा ब्वलंगु दु । अन दुगु ज्वलंत नाया वनीगु खतरा जुइवं जापानी प्रधानमन्त्री नाओटो कानं फुकुसिमा १ व २ उर्जा प्लान्टय् संकटकालया घोषणा यानादीगु दु ।
विष्फोटय् लानाः अन कार्यरत आपालं ज्यामित घाःपाः जूगु धाःसां यकिन ल्या मवनी । तर जापानी सरकारया प्रवक्ता युकिओ इडानों दक्वं ज्यामितय्त सुरक्षित थासय् उद्दार यायेधुंकूगु दुसाः अन विष्फोटया कारण बारे अध्ययन जुयाच्वंगु जानकारी बियादीगु दु ।
म्हिग जापानय् ब्वःगु ८.९ रेक्ट स्केलया भुखाय् व सुनामी वयाः न्हय्सः स्वयां अप्वः मनूत सीगु धुंकूगु दुसाः अझ आपालं मनूत तनाच्वंगु दु । विभिन्न संचार माध्यमया कथं अन सीपिनि ल्या १३००म्ह थ्यनेधुंकूगु खँ धाःगु दु । सरकारं उगु क्षति लानाः उद्दार यायेत न्यय्द्वः सुरक्षाकर्मीत परिचालन याःगु दु ।
Related Stories
जापानय् तःधंगु भुखाय्, सुनामी पाखें आपालं क्षति जापानय् ७.२ रेक्टर स्केलया भुखाय्More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
