जापानय् तःधंगु भुखाय्, सुनामी पाखें आपालं क्षति
जापानय् तःधंगु भुखाय् लिपा सुनामी वयाः आपलं धनमाल क्षति जूगु दु । उत्तर पूर्वी जापनय् थौं न्हिनय् स्थानीय २:४६ बजे ८.९ रेक्ट स्केलया भुखाय् ब्वःगु खः । उगु भुखाय् ब्वःगु बाघौ लिपा हानं ७.४ रेक्ट स्केलया धक्का हानं महसुश जूगु खः ।
जापानया राजधानी टोकियो स्वयां ३७३ किलोमिटर तापाकः ब्वःगु भुखाय् लिपा अन सुनामी वःगु खः । ओनाहामा शहरय् वःगु ६ मिटरया सुनामीं अनया गाडी, छेँ, बुँ आदि दक्वं चुइकाः यंकूगु दु । सुनामीया हुनिं गुलि क्षति जुल धइगु बारे विवरण मवनीसां अन अझ नं सुनामी वयाच्वंगुलिं आपालं क्षति जुइगु अनुमान याःगु दु ।
टोकियोलय् छगू मिनेट स्वयां अप्वः भुखाय् ब्वयाः अनया छुंछुं छेँय् क्षति यानाब्यूगु दु । भुखाय् लिपा अन विद्युतिया माध्य सर्ट जुयाः छुंछुं छेँय् मि तकं च्याःगु दु ।
चीनया राजधानी बेइजिङय् तकं महसुश जूगु भुखाय् लिपा जापान नापं प्रशान्त महासगरय् लाःगु ताइवान, म्यानमार फिलिपिन्स, क्वाम, हवाई नापं ५३ देशय् १० मिटरया सुनामी वयेमफुगु धासें सतर्कता नालेता सूचं जारी याःगु दु ।
निन्हु न्ह्यः जक जापानया दक्षिणी टतय् ७.२ रेक्टर स्कलया भुदाय् ब्वःगु खः ।
Related Stories
जापानय् ७.२ रेक्टर स्केलया भुखाय्More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
