उदयपुरय् नेवाः महोत्सव

उदयपुरय् शनिवाः निसें नेवाः महोत्सव सुरु जूगु दु । उदयपुरया सदरमुकाम गाइघाट स्थित स्थानीय त्रियुगा उच्च माविलय् न्ह्याःगु महोत्सवया नेवाः देय् दबूया नायः नरेश ताम्राकारं उलेज्या यानादीगु खः ।

महोत्सवया उलेज्या यानादिसें नायः ताम्राकारं नेवाःत नेपालमण्डलया आदिवासीत जूसां देय्या थीथी गांगांमय् थ्यनाः नं नेवाःतय्सं थःगु पहिचान ल्यंकाः तयेत सफल जूगु धयादिल । अथेहे देय् दबूया न्वकू विजय प्रकाश तण्डुकारं नेवाःतय्सं मेमेगू आदिवासीतनाप जानाः थःगु जातिय कला व संस्कृति जगेर्णा यायेत महोत्वया ग्वसाःग्वःगु धासें ग्वसाः खलयात भिंतुना बियादिल ।

उलेज्या ज्याझ्वलय् देय् दबू उदयपुरया नायः हरि बहादुर श्रेष्ठ, संस्कृतिविद् गणेशराम लाछि, उदयपुरया जिल्ला प्रमुख अधिकारी, थीथी सुरक्षा निकायया अधिकारीतय्सं महोत्सव ताः लायेमाः धकाः भिंतुना दीगु खः ।

फागुन २१ गते निसें न्ह्याःगु महोत्सव फोगुन २४ गते मंगलवाः नेवाः भ्वय् नकाः क्वचायेकीगु ज्याझ्वः दु ।

More Stories Like this