श्रीलंकाय् सुनामिं मनूतय्गु धर्म हिलाबिल

अमृतलक्ष्मी

श्रीलंकाय् सुनामि वयाः यक्व स्यंगु मातर धाःथाय् खः । ततःजाःगु छेँ यक्व हे चुइका यंकल । मनूत नं यक्व चुइकायंकल । छगू जहानय् गुलिसियां मांबौपिं जक ल्यं गुलिसियां मचाखाचा जक ल्यं । निदँति दुम्ह मचा सिमाकचाय् कानाः म्वानाच्वन । मांबौपिं चुइका यंकल । समुद्र लिक्क छेँ लानाः ज्यान बचे यायेत स्कूलपाखे वना च्वंबलय् मचायात बचे यायेत गुलि कुतः यातं नं बचे यायेमफुत । मांपिंत मानसिक ल्वय् जुल । थःथितिपिंसं मातरं कोलम्बो हयाः भन्तेपिंथाय् महापरित्राण याकल । अन हे तःधंगु बस स्टेसनय् सुचिकाः ज्या याईपं अफिस वनीिपं स्कूल वनीपिं यक्व मनूत वनाच्वंबलय् सुनामि ह्वात्त वयाः गःपतय् थ्यंक लः थहां वयाः छुं हे धायेमफु । बचे या धकाः ल्हा थछ्वयाः संका हःसां सुनानं बचे याये मफु फुक्कं चुइकायंकल ।

अन हे तःधंगु सतकय् भगवान बुद्धयागु मूर्ति तयातःगु दु । छ्यनय् थ्यंक ख्वाः त्वपुक लः वःसां मूर्तियात छुं हे मस्यंकू ।

गाल्ल धाःथाय् यक्व छेँ स्यनाः मनूत घाइते जुल । चुइका नं यंकल । भतिचा उखेर लाःगु विहारय् छुं हे मस्यं लः नं दुहां मवः । डुंगा दिका तइथाय् दिकातःगु दयेकातःगु स्यनः चुइका यंकल । स्कूल नं स्यंगु दु स्टेसन फुक्क हे स्यंगु दु । मातरं पुला वये धुंकाः दथुइ कोलम्बोपाखे वयेबलय् रेल नचुक हे स्यनाच्वंगु दु ।

मातरं च्वय् कलुटर थ्यने न्ह्यः समुद्र लिक्क लाःथाय् बोधिसिमाय् चिचीधकःपिं बुद्धयागु मूर्ति ल्हाः तुति कुतुं वंिपं स्यंपिं वांमछ्वसे अन बोधिसिमाय् चाःहुइकाः तयातःगु दु । सुनामि वयाः तःधंगु लबु दनावयाः छेँ यक्व स्यंसां बोधिसिमा यात लखं त्वपूसां छुं हे मस्यं गथे खः अथे हे दु । मेमेगु देगः स्यंगु दु । थज्याःगु दृष्य खनाः श्रीलंकाय् च्वंपिं बौद्ध हिन्दू मुस्लिम वि्रुस्चियन धर्मावलम्बित सकसिनं बुद्धयागु सत्य धर्मयात थुइकाकाल । प्रकृतियागु स्वभाव धर्म सुनामिं बुद्धयागु मूर्तियात क्षति मयाःगुलिं बुद्ध धयाम्ह धात्थें हे तःधंम्ह हनेबहम्ह महापुरुष खः धकाः थुइकाकाल । वसपोलयागु सत्यध र्मयात फुक्क धर्मयापिंसं नालाकाल । बुद्धयागु शरणय् वन । अन च्वंपिं यक्व उपासक उपासिकातय्सं विनय सूत्र अभिधर्म नापं पालीभाय्या बारे बांलाक अधययन याना सयेकाः धर्मया बारे मेिपंत कनाः थःिपंसं नं अभ्यास यानाच्वंगु दु ।

पुन्हि पतिकं विहारय् वनाः दान शील ध्यान याइ भन्ते गुरुमांिपंत दान बी । थः मस्तय्त बौद्ध परियति शिक्षा ब्वंके छ्वइ । विहार दयेके थाय् गुरुमांपिनि आखः ब्वंकेथाय् ग्वाहालि यानाच्वंगु दु । फुक्क धर्मयािपं ल्याय्म्ह त जानाः ट्याम्पु दिकीथाय् फुक्क दुवातय् बुद्धयागु मूर्ति स्थापना यात । सुनामि मनिबलय् ततःधंगु दुवातय् जक मूर्ति तयातइगु खः । चिधंगु विहारय् थें भगवान तयेगु थाय् दयेकूगु । भगवानया छ्यांया लिउने रश्मि तयातःगु जःखः फुलदनि पात्रय् जाकि आसनय् द्यःने स्वां तयातइ । छम्ह छम्ह भगवानया लिक्क तुयूगु स्वां ह्वइगु स्वांमा पिनाः तःगु दु । व हे स्वां ट्याम्पु चले याईपं ड्राइभरतय् मोटर चले याये मत्यःतले पाठयानाः स्वां छाःवनी । छेँय् छेँय् च्वंपिंसं थःपिनि नयेगु सुथय् छाये हइ । बहनी साढे पाँच छः बजेती देवा च्याकी ।

श्रीलंकाय् सकभनं सुथय् पाँच बजे रेडियों स्वपु परित्राण प्रशारण याइ । ड्राइभरतय्सं ध्वाँग् स्वंगःति तयाः व्यवस्थित यानातःगु दु । बहनी गबलें गबलें जक हायेकी ।

अन च्वंपिंसं सुनामिं निसालास द्वँचिनाच्वंगु थःगु हे मिखां खनाः सत्ययात खन । बिचाः मयाना कथं आकाझाकां विनास जूगु हे थःपिंसं हे खंगुलिं थ्व संसार अनित्य धकाः थुइकल । समुद्र लिक्क सीपिं झंगपंछीत मनूत गुलिं नाङ्गा वसः मदुपिं ध्वगिनाः नवयाच्वंगु दोजर हयाः गाः म्हुयाः व लास थुनाछ्वःगु खंगुलिं अनित्य खंकल । यक्व साहु ब्यापारीत चिमिपिं सिनावंगु खनाः विरक्त जुल । जहान सीपिंनिं मानसिक ल्वय् जुयाच्वंगु खनाः इमिसं दुःख सत्ययात खंकल । अले थम्हं धयाथें मदुगु थ्व संसायागु स्वभाव धर्म अनात्मायात नं बांलाक थुइकाकाल । थुकथं इमिसं भगवान बुद्धयागु धर्म अनित्य दुःख अनात्मायात छर्लङ्ग जुइक खंकल । प्रकृतियागु स्वभाव धर्म कथं जक थ्व संसार न्ह्यानाच्वंगु खः धयागु थुइकल ।

अनया राष्ट्रपतियाथाय् नं पुन्हि पतिकं राष्ट्रपितया छेँजःपिं व जनता सकलें सुथय् सात बजेनिसें बहनी छ बजे तक प्रोग्राम दयाच्वनी । सकसिनं तुयूगु वसः पुनाः देमा वा कप छगः ज्वनाः वनेमाः । जलपान भोजन अन हे याकी । बाखं कनीपिं भन्तेपिंत दान बी शील पालन याइ ध्यान याइ । राष्ट्रपितं फुक्कसितं परियति शिक्षा ब्वंकेत बिइ । राष्ट्रपितं मुख्यम्ह सङ्गराज भन्तेयाके अनुमति कयाः जक ज्या शुरु याइ ।

थुकथं सुनामि वयाः श्रीलंकाय् च्वंपिं मनूतय् धर्मय् हिउपाः वल । पुण्यवती गुरुमां श्रीलंकाय् झिंप्यदँ तक आखः ब्वनाः लिहां बिज्यानाः धर्मकिर्ति विहारय् धर्मदेशना यायेगु झ्वलय् थ्व खँ कनाबिज्याःगु खः ।

थौं स्वांयाःपुन्हि कुन्हु झी थःथितिपिं नेपाःमि जनता नेतातय्के याकनं धर्मचित्त ब्वलनाः थः थः जक भिं मेपिं मिभं धयागु भाव मदयाः झीगु नेपाः देय् बुद्धभूमिइ याकनं शान्ति वयेमा धकाः आसिका याये ।

More Stories Like this