कंसाकार विरुद्धया कारवाही खारेज यायेत नेवाःतय् माग
नेपाल वायु सेवा निगमया निलम्बित कार्यकारी निर्देशक सुगतरत्न कंसाकार विरुद्धया कारवाही खारेज यायेत व वय्कःयात तत्काल त्वःतेत नेवाःतय्सं माग याःगु दु ।
नेवाः स्वायत्त राज्य मंकाः संघर्ष समिति, नेपाः राष्ट्रिय पार्टी नापं नेपाल लोकतान्त्रिक नेवाः संघं विज्ञप्ति पिथना कंसकारयात षडयन्त्र व वदनियतपूर्ण तरिकां मुद्दा चले यानाः हिरासतय् तयातःगु प्रति विरोध प्वंकूगु दु ।
संघर्ष समितिया सचिवालय कजि मल्ल के. सुन्दरं छगू विज्ञप्ति पिथना कंसाकार थंज्याम्ह स्वच्छ व निशकलंक छवीया मनूयात जहाज माफिया व कमिशनखोरतय् मिलिभगत व सुनियोजित षड्यन्त्र अन्तर्गत मखूगु द्वपं बियाः कानूनी फन्दाय् तक्यंकेत स्वःगु द्वपं बियातःगु दु ।
विज्ञप्तिइ कंसकारयात अविलम्ब त्वतेत व वय्कः विरुद्ध न्ह्याकातःगु कारवाही खारेजीया माग नं यानातःगु दु । नापं न्यायया पक्षय् दनाः कंसाकारया पक्षय् जुयाच्वंगु सतक कन्द्रीत आन्दोलनय् थःपिनिगु पूर्ण समर्थन व ऐक्यबद्धता जाहेर याःगु दु ।
उखे लोकतान्त्रिक नेवाः संघं कंसाकार थज्याःम्ह इमान्दार व सक्षम व्यस्थापकयात फसे यानाः नेपाःया ढुकुटीं थःगु राज यायेचाहे जूपिं कमिशनखोरतय्गु षड्यन्त्र कथं कंसकार फसे जूगु धासें विशेष अदालतं वय्कःयात कुनेत ब्यूगु आदेशया विरोध याःगु दु ।
संघया नायः सानुराजा शाक्यं पिथंगु विज्ञप्तिइ राज्याया उच्च पदस्थ तहया नेवाः समुदायया मनूतय्त सखाप यायेगु षड्यन्त्रया शिकारय् सुगतरत्न कंसाकार नं लाःगुला मखुला धइगु आशंका नेवाः समुदायलय् ब्वलंगु खँ न्ह्यथनातःगु दु । नापं थज्याःगु षडयन्त्र तुरुन्त बन्द मयाःसा नेवाः समुदाय सुम्म मच्वनीगु ख्याच्व नं संघं ब्यूगु दु ।
थ्वहे झ्वलय् नेपाः राष्ट्रिय पार्टीं नं छगू विज्ञप्ति पिथना पूर्वाग्रही रुपं कंसकारयात कारवाही याःगु धासें सुनियोजित रुपं जूगु कारवाही प्रक्रिया खारेज यायेत माग याःगु दु ।
Related Stories
कंसाकार विरुद्धया मुद्दा षड्यन्त्रमूलक : जागरण मञ्च कंसाकार जेल चलान कंसाकारयात कारवाही विरुद्ध नेवाःत सतकय् कंसाकारया पक्षय् संघर्ष यायेत समिति गठन 'कंसाकार प्रकरण इमान्दार नागरिकत प्रति जूगु षड्यन्त्र' फ्रान्सया एयरवस कम्पनीं बैना लितबिल नागरिक संघर्ष समितिपाखें सुगतरत्न कंसाकारयात हनMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
