कंसाकार जेल चलान
येँ (सन्ध्या टाइम्स)/राष्ट्रिय ध्वजाबाहक नेपाल वायु सेवा निगमया निलम्बित कार्यकारी निर्देशक सुगतरत्न कंसाकारयात विशेष अदालतं जेल चलान याःगु दु ।
अदालतं माग याःगु खुगू करोड तका दां धरौटी कथं बुझे याये मफयेवं निलम्बित कार्यकारी अध्यक्ष कंसाकारयात डिल्लीबजार कारागार चलान याःगु खः ।
विशेष अदालतया न्यायाधिश गौरीबहादुर कार्की, दुजःपिं ओमप्रकाश मिश्र व केदारप्रसाद चालिसेया मंकाः इजलासं कंसाकारयात खुगू करोड तका धरौटी बुझे यायेत धाःगु खः। कार्यालय ई क्वचाये न्ह्यवः हे धरौटी बुझे यायेत कंसाकारयात ई बिउगु खःसा उगु ई तकया दुने धरौटी बुझे यायेत कुतः याःसां मफयेवं वय्कःयात बहनी हे डिल्लीबजार चलान याःगु खः ।
निगमया निगः न्हूगु जहाज न्यायेत संचालक समितिया स्वीकृति व सहमति मकासें फ्रान्सेली एअरबस कम्पनीयात न्यागू करोड न्हय्स्वंगू लाख बैना बिउगु धासें अख्तियार दुरुपयोग अनुसन्धान आयोगं कार्यकारी निर्देशक कंसाकार लिसें मेपिं खुम्ह पदाधिकारी विरुद्ध मुद्दा दायर याःगु खः ।
Related Stories
कंसाकार विरुद्धया मुद्दा षड्यन्त्रमूलक : जागरण मञ्च सुगतरत्नया समर्थनय् जुलुस कंसाकारयात कारवाही विरुद्ध नेवाःत सतकय् कंसाकार विरुद्धया कारवाही खारेज यायेत नेवाःतय् माग कंसाकारया पक्षय् संघर्ष यायेत समिति गठन 'कंसाकार प्रकरण इमान्दार नागरिकत प्रति जूगु षड्यन्त्र' फ्रान्सया एयरवस कम्पनीं बैना लितबिल
