नेवाः व ताम्सालिङया सिमाना विवाद ज्यंकेत कार्यदल गठन यायेगु सहमति

नेवाः स्वायत्त राज्य मंकाः संघर्ष समिति व ताम्सालिङ संयुक्त संघर्ष समिति दथुइ नेवाः व ताम्सालिङ प्रदेशया सिमाना विवाद ज्यंकेत छगू कार्यदल गठन यायेगु सहमति जूगु दु ।

नेवाः व तामाङ सभासद् व अभियानकतात दथुइ निन्हुन्यंक गोकर्ण रिर्सोटय् जूगु सहलहलय् निगूलिं समुदायया प्रदेशया खँय् आपसि सहमतिया आधारय् समस्या समाधान यायेगु सहमति जूगु खः ।

नेवाः स्वायत्त राज्य मंकाः संघर्ष समितिया सचिवालय कजि मल्ल के. सुन्दर व ताम्सालिङ स्वायत्त राज्य संघर्ष समितिया पाखें परशुराम तामङं ल्हाःचिं तयादीगु सहमति कथं निगूलिं पक्षया छम्ह मिसा अनिवार्य सहित प्यम्ह-प्यम्ह दुजः दुगु कार्यदल गठन यायेगु सहमति जूगु दु ।

अथेहे प्रदेशया सिमाना निर्धारण यायेगु इलय् हालया वसोवासया सघनता विस्तार व बाहुल्यता वा ऐतिहासिक निरन्तरतापाखें प्रमाणित व समर्थन यायेगु, प्रादेशिक भूमिया निर्धारणय् निगूलिं आदिवासी जातितय् दथुइ गन सुया बाहुल्या दु अन उगु हे समुदायया विशेष संरचना दइगु अधार कायेगु लगायतया सहमति जूगु दु ।

निगू पक्ष दथुइ जूगु सहमतिलय् धर्मनिरपेक्षता, जातीय स्वायत्तता, संघीय लोकतान्त्रिक गणतन्त्र व राष्ट्रिय स्वाधिनता प्रति निगुलिं समुदाय प्रतिबद्ध जुयाः उकिया निंतिं संघर्षरत जुइगु खँ न्ह्यथातःगु दु ।

More Stories Like this