थौं २५५३क्वःगु बुद्ध जयन्ती

थौं २५५३क्वःगु बुद्ध जयन्ती । बैशाख पुन्हि अर्थात स्वांयाः पुन्हि अथे धइगु थौं भगवान गौतम बुद्ध बूगु, बोधिज्ञां चूलागु व निर्वाण जूगु न्हि । थ्व हे भिं न्हियात झिसं बुद्ध जयन्ती धकाः हनाच्वनागु खः ।

थौं देय्यंकया चैत्य स्तुप व विहारय् बुद्धपुजा याइ । अले भगवान बुद्धया मर्ति दुथाय् मेला नं जुइ । बुद्धधर्मया प्रवर्तक जुयाः प्रचार याना बिज्याःम्ह भगवान गौतम बुद्ध बुगू थाय् लुम्बिनीइ नं तःधंगु पुजा याइ । छेँय्, छेँय् न्याता रङ्गया बौद्ध ध्वाँय् ब्वयेकी । न्याता रङ्ग धैगु थ्व संसार ब्वलनेत माःगु पाच तत्वया प्रतीक खः ।

झी बुइ, ब्वलनी, सुःख सिइ, दुःख सिइ, मदयावनी । थंज्याःगु भावसागरं मुक्त जुइगु ज्ञां सकसियां न्ह्यःने ब्वयाबिज्याःम्ह सिद्धार्थ गौतम बुद्ध इश्वी संवत् ५४४ दँ न्ह्यः महावपरिनिर्वाण जुयाबिज्याःगु खः ।

More Stories Like this