भिजिट नेपाल २०११ या प्रवर्द्धनया निंतिं अमेरिकाय् मेगु ज्याझ्वः
भिजिट नेपाल २०११ या प्रवर्द्धनया निंतिं सं. रा. अमेरिकाया सियाटल शहरय् छगू तःधंगु ज्याझ्व: ग्वसा: ग्वगु दु । नेपाल सियाटल सोसाईटीया ग्वसालय् फेब्रुवरी २० आइतवाः खुन्हु अमेरिकाया नितिं नेपालया राजदूत डा. शंकरप्रसाद शर्माया प्रमुख आतिथ्य जूगु उगु ज्याझ्व: सियाटलया "द माउन्टेनर्स"य् जुगु ख।
ज्याझ्वलय् १० घण्टा ५६ मिनेट ४६ सेकेण्ड सागरमाथा गया: बिश्व रेकर्ड तःम्ह लाक्पा गेलु शेर्पा अले सागरमाथा आरोही अमेरिकी नागरिक गर्ग भेर्नोभेगनाप मेमेपिं शेर्पात नापं अन्तरक्रिया खः । सोसाईटीया उपाध्यक्ष सम्पूर्ण प्रजापतिं न्ह्याकूगु उगु ज्याझ्व: अध्यक्ष श्रीराम दाहाल , ज्योत्सना राणा लगायतया वक्तातय्सं नेपाल अले भिजिट नेपाल २०११ या बारे बिचाः प्वंकूगु ख: । करीब २०० ति नेपाःमि अले विदेशीत सहभागी जूगु उगु ज्याझ्वलय् तुच्चा लिपा 'शेर्पाज द रियल हिरोज अफ द माउन्ट एभरेष्ट' धाःगु वृत्तचित्र क्यंगु ख: ।
नेपालमण्डल डट कम लिसे खँल्हानादिसें संरा अमेरिकाया लागि नेपाःया राजदूत डा. शंकरप्रसाद शर्मां अमेरिकाया यक्व स्टेटय् च्वंपिं नेपाःमित भिजिट नेपाल २०११ या प्रवर्द्धनया निंतिं जागरूक जूगु अले फयांफक्व ज्याझ्व:त न्ह्याकाच्वंगु खँ न्ह्यथनादिल । थ्वहे झ्वलय् नेपाल सियाटल सोसाईटीं याःगु थ्व ज्याझ्व: तसकं हे बांलागु अले च्वछाये बह जूगु धकाः वय्कलं सुभाय् बियादिल ।
भिजिट नेपाल २०११ या प्रवर्द्धनया निंतिं नेपाल सियाटल सोसाईटीं थ्व दच्छि यंक हे प्रचार - प्रसार याना वनेगु अले मेमेगु ज्याझ्व: नं ग्वसा: ग्वये त्यनागु खँ सोसाइटीया अध्यक्ष श्रीराम दाहालं नेपालमण्डल डट कमयात जानकारी बिउगु दु ।
ज्याझ्वःया थप किपा
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
