मांभाय्या लागि ज्यान पाःगु व दिं
सन्दर्भ: अन्तर्राष्ट्रिय मांभाय् दिवस
फेब्रुअरी २१ अर्थात अन्तर्राष्ट्रिय मांभाय् दिवस । सन् १९५२ य् थुगु हे दिं दिन बंगाली विद्यार्थीतय्सं थःगु मांभाय्या लागिथःगु ज्यान पाःगु खः । उगु हे दिनया स्मरणय् थौं विश्वन्यंक अन्तर्राष्ट्रिय मांभाय् दिवस हनाच्वंगु दु ।
सन् १९४७ य् पूर्वी व पश्चिमी यानाः निगू भौगोलिक सांस्कृतिक व भाषिक रुपय् विभक्त पाकिस्तानय् जव १९४८ य् पाकिस्तानी सरकारं एकाधिकारी रुपय् उर्दू भाषायत सरकारी भाषा घोषणा यात तव बहुसंख्यक बंगाली मातृभाषी जूपिं पूर्वी पाकिस्तान (हाल बंगलादेश) या जनतात थुकिया विरोधय् दन । थुगु हे झ्वलय् २१ फेब्रुअरीया दिन राज्य बन्दया घोषणा यानाः आन्दोलन तिव्र याःगु खः । आन्दोलनया क्रमय् थुगु दिन ढाका विश्वविद्यालयया विद्यार्थीतय्त प्रहरीं गोलीं कयेकाः स्याःगु खः । वयां लिपा थ्व आन्दोलनं भयावह रुप काल अले अन्ततः सन् १९५६ य् सरकारं बंगाली भाषायात नं सरकारी मान्यता बिइत करं क्यन ।
मांभाय्या लागि ज्यान पाःगु थुगु दिनया स्मरण स्वरुप सन् १९९९ य् युनेस्कों हरेक दँया फेब्रुअरी २१ या दिनयात अन्तर्राष्ट्रिय मांभाय् दिवसया रुपमा हनेगु घोषणा यात । नेपालय् नं थुगु दिवस थीथी कार्यक्रमलिसे हनाच्वंगु दु ।
(तश्वीर: २१ फेब्रुअरी १९५२ य् जूगु भाषिक आन्दोलनया छगू लू)
Related Stories
थौं फेब्रुवरी २१ तारिक अथेधयागु अन्तराष्ट्रिय मातृभाषा दिवस मातृभाषा दिवसया लसताय् गोष्ठीMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
