सिक्किमय् गणेशराम लाछि अभिनन्दित
सिक्किमय् नेवाः, भाय् व संस्कृति स्यनेज्याया मू न्ह्यलुवाः कथं भाजु गणेशराम लाछियात सिक्किमय् तःजिक हंगु दु । सिक्किमया मल्ली डाँडाय् नकतिनि लच्छियंकया नेवाः बाजं व प्याखं प्रशिक्षण क्वचायेकूगु उगु ज्याझ्वः मल्ली डाँडा नेवाः गुथि सिक्किमया ग्वसालय् जूगु खः ।
मल्ली रातेपानी एरिया एमएलए तुल्सीदेवी राईया प्रमुख आतिथ्यय् न्ह्याःगु उगु ज्याझ्वलय् सिक्किमया जनश्रोत मन्त्री एनके प्रधान विशेष अतिथि कथं उपस्थित जुयादीगु खः । प्रशिक्षार्थीपिन्सं नेवाः बाजं व प्याखं सहित सांस्कृतिक ज्याझ्वः न्ह्यब्वःगु खःसा सिक्किम न्यंकया नेवाः गुथिया प्रतिनिधिपिं व पश्चिम बंगाल व नेपाःया पाहांपिन्सं उगु ज्याझ्वलय् ब्वति कयादीगु खः ।
नेपाःया मध्यपुर कला परिषद्पाखें कुलरत्न मानन्धर व बालमुकुन्द प्रजापतिपिन्सं दक्षिण सिक्किमया मल्ली डाँडाय् नेवाः बाजं व प्याखंया प्रशिक्षण बियादीगु खःसा प्रशिक्षणय् स्वीन्याम्हसिनं ब्वति कयादीगु खः ।
Related Stories
सिक्किमय् मिनी काठमाडौं सिक्किमय् हानं नेवाः प्याखंMore Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
