टेप काण्डं न्युयोर्कय् भुखाय्
अनमिन प्रमुख नेपाः वयाखतं वालुवाटारय्
येँ सन्ध्या टाइम्स÷प्रधानमन्त्री एवं माओवादी अध्यक्ष प्रचण्डं जन-सेनाया छगू ज्याझ्वलय् जनसेनाया बारे न्ववाःगु धकाः पिहां वःगु टेपपाखें न्युयोर्कस्थित राष्ट्र संघीय सुरक्षा परिषद्य् ुविष्फोटक लिच्वःु लाःगु खँ अनमिन प्रमुख मय्जु क्यारीन ल्यानग्रीनं कनादीगु दु ।
म्हिगः बीबीसीलिसे खँ ल्हासें वय्कलं थ्व जानकारी बियादीगु खः । माओवादी अध्यक्षं उकथं न्ववाःगु खँ सार्वजनिक जुइवं सुरक्षा परिषद्य् नेपाः बारे खँ पिहां वःगुिलं थम्हं नेपाः वनाखतं प्रधानमन्त्री एवं माओवादी अध्यक्ष प्रचण्डयात नापलानाः थुकिया बारे खँ ल्हायेगु जानकारी नं वय्कलं बियादिल ।
टेप प्रकरण बारे तच्वःगु विवाद वःगुिलं थम्हं नं उगु टेप स्वयेगु व उकिया बारे प्रधानमन्त्रीलिसे वार्ता यायेगु खँ वय्कलं कनादिल ।
न्युयोर्कं नेपाः वयाखतं वय्कलं थौं प्रधानमन्त्री प्रचण्डयात नापलाये नं धुंकूगु दु । थौं सुथय् वालुवाटार वनाः प्रमयात नापलासें वय्कलं टेप प्रकरण बारे न्ह्यसः तयादीगु खः । लिसें उिकं यानाः राष्ट्र संघय् पिहां वःगु विवाद बारे नं प्रमयात जानकारी बियादीगु खः ।
उगु इलय् प्रम प्रचण्डं छगू पुलांगु प्रशंगय् कार्यकर्तायात उत्साहित यायेगु ल्याखं धयागु खँयात आः वयाः मुद्दाया रुपय् पित हःगुिलं उकिया सान्दर्भिकता मदुगु बिचाः प्वंकादीगु खः ।
लिसें वय्कःपिनि दथुइ जूगु खँल्हाबल्हाय् माओवादी सरकारं पिहां वःसां शान्ति प्रकि्रयां धाःसा पिहां वने मजिउ धकाः ल्यानग्रीनं आग्रह यानादीगु खःसा प्रम प्रचण्डं थःिपं शान्ति प्रकि्र- याया ट्राय्कं पिहां मवनेगु बचं बिया- दीगु खः ।
बीबीसीलिसे जूगु खँल्हाबल्हाय् मय्जु ल्यानग्रीनं जनसेनाया पाय्छि ल्याः बारे न्हापा नं विवाद वयाच्वंगु थम्हं न्यनागु खँ कनादीगु खः ।
वय्कःया कथं जनसेनाया पाय्छि ल्याः गुलि धइगु खँ न्हापां नं एकरुप कथं वःगु मदु । फरक फरक थासं फरक फरक हे ल्याः वयाच्वंगु खः । लिपा अनमिनं छानबिन यानाः छगू ल्याः क्वःछिनाः शिविरय् तयेगु ज्या जूगु खः ।
आः जनमुक्ति सेनाया पाय्छि ल्याः बारे विवाद पिहां वःगुिलं थीथी शिविरय् तयातःिपं जनमुक्ति सेनायात हानं छक्वः ल्याः खायेमालीगु खः ला धइगु न्ह्यसः नं पिहां वःगु दुसां मय्जु ल्यानग्रीनं धाःसा आः अनमिनया म्याद लत्या जक ल्यं दनिगु कारणं अज्याःगु ज्या याना च्वने लाइ मखु धयादिल । वय्कलं आः थुकिया बारे अनमिनं याइगु ज्यायात सकलें राजनीतिक पार्टीतय्सं ग्वाहालि यायेमाःगु बिचाः प्वंकादिल ।
