थौं फेब्रुअरी-१४ तारिख अथेधयागु भ्यालेन्टाइन डे
थौं फेब्रुअरी-१४ तारिख । भ्यालेन्टाइन डे अथेधयागु प्रेम दिवस । सन्त भ्यालेन्टाइनया नामय् मतिना याइपिनिगु दथुइ स्वां व द्वहलपा कालविल याना हिलंन्यंकं थ्व दिवस हनाच्वंगु दु ।
पश्चिमी संस्कार अनुसरण यानाः नेपालय् नं ल्याय्म्ह ल्यासेत थुगु दिवस तःजिक हनाच्वंगु दु । ऐतिहासिक महत्व कःघानाच्वंगु भ्यालेन्टाइन डे क्रिष्चियन परम्पराया छगू संसकृति खः । क्याथोलिकतय्सं फेब्रुअरी १४यात लसताया दिं कथं कायेगु यानावयाच्वंगु दु ।
स्वंगूगु शताब्दी भ्यालेन्टाइन रोमया पूजारी जूगु किम्बदन्ती दु । रोमया शासक क्लाउडियस तिरिमय्जु व छेँजः पाखें तापाक्कं च्वंपिं जक बांलाम्ह सेना जुइफइगु मान्यता तइम्ह खः । अथेजूगुलिं वय्कलं सेना बांलागु खना सेनातय्त इहिपा यायेगुलिइ प्रतिबन्ध तयाबिल । तर सेन्ट भ्यालेन्टाइनं क्याउडिसया निर्णय न्यायसंगत मजूगु धासें सैनिकतय्त गोप्य रुपय् इहिपा याकाब्यूगु धापू दु । थुकथं गैरकानुनी इहिपा याकाब्यूगु द्वपनय् सेन्ट भ्यालेन्टाइनयात थौंया दिं अथेधयागु फेब्रुअरी १४य् स्यानाबिल । अथेजूगुलिं थौंया दिं वय्कःया हे लुमन्तिइ भ्यालेन्टाइन डे कथं हनेगु याःगु धैगु धापू दु ।
अथेहे थौं यक्वः हे मतिनामि जोडी थःपिनिगु ताः ई तकया प्रेम जीवनया कामना यायेत मतिनाया प्रतीक कथं कयातःगु पाल्पाया रानी महलमा तकं वनेगु याःगु दु ।पाल्पाया बौघागुम्बा कालीगण्डकीया तीरय् राणा खड्ग शमशेरं रानी तेजकुमारीया लुमन्तिइ दयेकूगु रानीमहलय् थ्यंपि ल्याय्म्ह ल्यासेतय्सं इमिगु थें थःपिनिगु मतिना नं अमर जुइमा धकाः कामना याइ ।
उखे मतिनाया हे चिं कथं भारतय् नं थः मतिनामिया हे लुमन्ति भारतया सम्राट शाहजहां मदुम्ह रानी मुमताजया लुमन्तिइ आगराय् ताजमहल दयेकूगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
