लण्डनय् विश्व नेवाः मुना

थ्व हे वइगु गुंलागाः १३ व १४ (अगष्ट २७ व २८ २०११ शनिबार व आइतबार) कुन्हु वर्ल्ड नेवाः अर्गनाइजेशनया ग्वसालय् बेलायतया लण्डनय् तःजिगु विश्व नेवाः मुना जुइगु जूगु दु । थुकिया लागि वर्ल्ड नेवाः अर्गनाइजेशनया दुजः व पासा पुचः गृ्थि यूके बोर्डया नायः भाजु कृष्ण चखुंया संयोजनय् माःगु ज्याखँ न्ह्याये धुंकूगु खँ अर्गनाइजेशनं न्ह्यथंगु दु ।

हलिमय् न्यंकं नीस्वना तःगु खलः पुचः व नेवाः ज्याकमितय्त छथासं मुंकाः न्हू पुस्ताया नेवाःतय्त थःगु नेवाः म्हसीका गथे याना ल्यंका तयेगु धैगु बारे सहलह ब्याकेगु तातुनाः जुइत्यंगु विश्व नेवाः मुना ताःलाकेत अर्गनाइजेशनं इनाप याःगु दु ।

More Stories Like this