सम्पदा संरक्षणया निंतिं कुटुम्बया सांगीतिक यात्रा

नांजाःगु सांगीतिक पुचः कुटुम्बपाखें थःगु सांस्कृतिक सम्पदा संरक्षण यायेगु निंतिं 'प्लेइङि फर हेरिटेज' नारा बीयाः सांगीतिक यात्रा सुरु याःगु दु । बिहीवाः यलया हरिसिद्धिपाखें सुरु जूगु सांगीतिक यात्रा च्याला तक न्ह्याइगु जूगु दु । च्यालाया दुने उगु सांगीतिक पुचलं स्वनिगलय् च्वंगु रिङरोड पिनेया नीगु गांमय् थःगु सांगीतिक प्रस्तुति पाखें अनया स्थानीय मनूतय्त सांस्कृति सम्पदा संरक्षणया निंतिं चेतना ब्वलंकीगु खँ धाःगु दु ।

हरिसिद्धिइ जूगु सांगीतिक ज्याझ्वलय् अनया हे स्थानीय महेन्द्र श्रेष्ठया पहलं फल्चा व छेँ दँगु विषयलय् कयाः वय्कलं हे तयार यानादीगु चिधंगु डकुमेन्ट्री नं न्ह्यब्वःगु खः । हरिसिद्धि लिपा कुटुम्बं शनिवाः ख्वपया न्यातपोल देगः क्वय् मेगू प्रस्तुति न्ह्यब्वइगु जूगु दु ।

More Stories Like this