राष्ट्रपतिया विरोधय् नेवाःतय् र्याली
राष्ट्रपतिया गैरसंवैधानिक पलाःया विरोधय् म्हिगः स्वनिगःया स्वंगुलिं जिल्लाय् ब्यापकरुपं स्थानीय आदिबासी नेवाःतय्सं विरोध र्याली पिकाःगु दु । सनिलय् प्यताः इलय् स्वनिगःया यें, यल व ख्वपय् छगू हे इलय् नेवाः हक, अधिकार व संघीयताय् नेवाः स्वायत्तता तंगु शंका यासें विरोध र्याली न्ह्याकूगु खः । विरोध र् यालीयात नेवाः राष्ट्रिय मुक्ति मोर्चां स्वंगुलिं जिल्लाय् छक्वलं ग्वसाः ग्वःगु खः ।
येँ जूगु र् यालीइ जैसिदेगः लगं, ह्युमत कोहिति भिमसेनस्थान प्याफः क्षेत्रपाटी असं इन्द्रचुकः जुयाः न्हू सतकय् वनाः कोणसभाय् हिउगु खः । कोणसभा इन्द्रचुकय् यायेगु क्वःछिनातःगु खःसा तर र् यालीइ आपालं जनताया ब्वति दुगु कारण न्हू सतक गेटय् याःगु खँ मोर्चाया केन्द्रीय दुजः राजेन्द्र रजतं जानकारी बियादीगु खः । कोणसभाय् न्वंवानादिसें मोर्चाया मू छ्याजे व एकीकृत नेकपा माओवादीया केन्द्रीय दुजः पवनमान श्रेष्ठ प्रभाकिरणं राष्ट्रपतिया गैरसंवैधानिक पलाःया विरुद्ध छधी छप्पँ जुयाः आन्दोलनय् न्ह्यज्यायेत इनाप यानादीगु दु । वय्कलं राष्ट्रियता गणतन्त्र संस्थागत मजूतले व जनताया नितिं न्हूगु संविधान दयेकेत शान्तिवार्ता तार्किक निष्कर्षय् थ्यंकेमाःगु खँय् बह बियादीगु दु । वय्कलं भारतीय व अमेरिकी दवाबया कारण गैरसंवैधानिक पलाः न्ह्याकूगु कारण आः लोकतन्त्र व सार्वभौमिकताया नितिं नागरिक सर्वाेच्चता माःगु खँ न्ह्यथनादीगु खः ।
नेवाः आन्दोलनया बुद्धिजीवी डा. महेशमान श्रेष्ठं नेवाःतय्गुबारे च्यूताः मतःगु पार्टी नेपाः राष्ट्रिय पार्टीं जातीय भावनायात कःघायेत जक नेवाः स्वशासित प्रदेशया नारा हःगु दाबी नापं यानादीगु दु ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
