कपिलवस्तु बारे न्हू लुयावःगु तथ्य

नेपाःया कपिलवस्तुइ सिद्धार्थ गौतम बुद्धया दरवार दु धइगु विषयय् आधिकारिक तथ्यत पिहां वःगु दु। आः नकतिनि छगू बेलायती अनुसन्धान पुचलं थ्व खँ पत्ता लगे याःगु जानकारी नं वःगु दु। अत्याधुनिक व वैज्ञानिक प्रविधिपाखें याःगु अनुसन्धानपाखें थ्व न्हूगु खँ पत्ता लगे जूगु खः। खतुं कपिलवस्तु हे गौतम बुद्धया गृहनगर खः धइगु खँ इतिहासं न्हापा नं पुष्टि यायेधुंकूगु खँ खः। उकी सुनां नं विवाद याःगु मदु। अथे खःसां झी हे जःलाखःला देय् भारतं धाःसा बुद्ध जन्म जूगु थाय् व च्वनीगु थाय् भारतय् लाः धकाः न्हापांनिसें दावी याना वयाच्वंगु खःसा उकियात पुष्टि यायेगु लागिं थःगु देशय् नक्कली कपिलवस्तु लागिं थःगु देशय् नक्कली कपिलवस्तु नगर हे दयेकेगु ज्या समेत याना वयाच्वंगु खः। भारतं थःगु लागाय् दयेकाच्वंगु नकली कपिलवस्तुइ गुलिखे ज्वलंत अज्याःगु नं तये हयेधुंकूगु दु गुगु नेपाःया धाथेंया कपिलवस्तुं खुया यंकातःगु खः। नेपाःया कपिलवस्तुइ उत्खनन् याःबलय् लुयावःगु आपालं ज्वलंत आः तनेधुंकूगु खँ पिहां वयाच्वंगु दु। थ्व ज्वलं गुलिखे नेपाःपाखें बांलाक सुरक्षित याना मतःगु कारणं खुयाः उखे यंकूगु खःसा गुलिखे अनया हे भ्रष्ट कर्मचारीतय्सं ध्यबा नयाः बिया छ्वःगु धइगु खँ नं पिहां वयाच्वंगु दु। नेपाःया धाथेंया कपिलवस्तुया हे ज्वलंत खुयाः थःथाय् मुंकूगु कारणं यानाः भारतं सकली कपिलवस्तु थःगु देशय् लाः धकाः दावी याःगु खः।
न्ह्यागुसां आः लुया वःगु न्हूगु तथ्यं न्हापा हे प्रमाणित जुयाच्वने धुंकूगु सत्ययात हानं छक्वः पुष्टि यायेगु ज्या याःगु दु। थुकिं विश्वयात छगू हे बांलाःगु हे सन्देश वनीगु आशा यायेछिं ।

More Stories Like this