राष्ट्रपतिया पलाः

सम्पादकजु
प्रधानसेनापति कटवालयात हटे यायेगु धकाः सरकारं निर्णय यायेधुंकाः नं राष्ट्रपति डा। रामवरण यादवं दथुं वनाः कटवालयात पौ बियाः छ पदमुक्त मजूनि वहाली हे जुयाच्वंगु दनि धकाः धाः वंगु धइगु संवैधानिक राष्ट्रपति प्रणालीया हे बर्खिलाप जूवंगु
दु । थ्व राष्ट्रपितं थःगु स्वविवेक छ्यलाः मखु बरु नेपाली कांग्रेसय नेतातय् निर्देशन कथं आदेश पालना याःगु जक खः । राष्ट्रपति जुइधुंकाः वय्कः ला सारा नेपाली जनताया राष्ट्रपति जुइमाःगु खः । तर वय्कः आः नेपाली कांग्रेसया जक राष्ट्रपति जुयादीगु दु । कांग्रेसय् नं सुशील कोइरालां छु धाल वहे याइम्ह
राष्ट्रपति लानाच्वन । वय्कलं यानादीगु ज्या स्वयेबलय् वय्कः राष्ट्रपति हे जुइ लायकम्ह मनू मखु । संवि-धानय् राष्ट्रपितं छुं नं ज्या यायेगु खःसा प्रधानमन्त्री मार्फत जक यायेमाः धइगु प्रावधान दु । संसारया न्ह्यागु देशय् नं याइगु अथे हे खः । तर नेपाःया न्हापांम्ह गणतान्त्रिक राष्ट्रपितं अथे मयासे नेपालय् गणतन्त्र धइगु नं ज्या लगे मजू धकाः साबित यायेत स्वःगु खनेदु । राष्ट्रपति जूगु निदँ मदुनि थःगु अधि-कार धकाः फुर्ति यायेगु शुरु जुइधुंकल धाःसा निसःदँ न्हयःनिसें शासन यानाच्वंिपं जुजुतय्सं थःगु अधिकार मालेगु ज्या यात धकाः छु आश्चर्य चायेगु सत्तां मनूयात अन्धा दयेकी धाइगु धाथें ख हे खःगु जुयाच्वन । म्हिगः तिनि वःम्ह डा। रामवरणयात ला सत्तां अन्धा दयेका बिल धाःसा सदियौंनिसें शासन यानाच्वंिपं जुजु खलः अन्धा जुइगु छुं हे तःधंगु खँ मखु । देशय् जनता प्रति जवाफदेही जुइम्वाःिपं जुजुतय्सं जक शासन यात धकाः वयात हटे यानाः गणतन्त्र हःगु खः । आः गणतन्त्रय् नं राष्ट्रपति हे जुजु सिबें कम मजुल धाःसा राजाया शासन हटे जुलं छु हे पात धकाः थ्व ला झीगु विडम्बना मखु ला
- मनोहर प्रधान
वटु यॆँ २४ वडा

More Stories Like this