मास्कोय् बम विष्फोट, ३५म्ह सित, सच्छिं मल्याक घाःपाः

रुसी राजधानी मस्को स्थित डोमोडेडो विमानस्थलय् सोमवाः सनिलय् बम विष्फोट जुयाः ३५म्ह मनूत सीगु दु । बम विष्फोटय् लानाः सच्छिं मल्याक मनूत घाःपाः जूगु घाःपाः जूपिं मध्ये २०म्हेसिया अवस्था गम्भीर जूगु अधिकारीतय्सं धाःगु दु ।

मस्कों पीगू किलोमिटर दक्षिण पूर्वय् लाःगु विमानस्थलय् आत्मघाती बमहमलाकारीं विष्फोट याःगु अनुमान याःगु दु । रुसया अनुसन्धान प्रमुखं घटनाय् अतंकवादीतय् ल्हाःगु दु खँ धाःगु दु ।

उखे रुसी राष्ट्रपति डिमेट्री मिटभियाडेभं बम विष्फोटया निन्दा यासें उगु घटना याकूपिंत कडा कारवाही यायेगु खँ धयादीगु दु । घटना लिपा डोमोडेडो विमानस्थल व मस्कोया सुरक्षा अवस्था कडा याःगु दु ।

More Stories Like this