जनसेनाया ज्याझ्वलय् छु छु जुल ?
विविध सांस्कृतिक ब्वज्यायात प्रधानमन्त्री माधबकुमार नेपालं थःगु मोबाइलय् कैद यानादीगु खः । जनमुक्ति सेनातय्सं ज्याझ्वलय् मार्शल आर्ट व युद्धकला नं प्रदर्शन याःगु खः । विशेष समारोहलय् प्रधानमन्त्री नेपाललिसे एकीकृत नेकपा माओवादीया नायः पुष्पकमल दाहाल 'प्रचण्ड', नेपाली काङ्ग्रेसया सभापति सुशील कोइराला, नेकपा एमालेया नायः झलनाथ खनाल, संविधानसभाया नायः सुवास नेम्वाङ, मन्त्रीत लगायतया ब्वति दुगु खः ।
थुकथं हे प्रधान सेनापति छत्रमानसिंह गुरुङ, सशस्त्र प्रहरीया महानिरीक्षक सनतकुमार बस्नेत, नेपाल प्रहरीया महानिरीक्षक रमेशचन्द ठकुरी, राष्ट्रिय अनुसन्धान विभागया प्रमुख अशोकदेव भट्ट, जनमुक्ति सेनाया कमाण्डर नन्दकिशोर पुन 'पासाङ', विदेशस्थित कुटनीतिक नियोगया प्रमुखतय्गु नं ज्याझ्वलय् ब्वति दुगु खः । शक्तिखोरय् ग्वसाः ग्वःगु विशेष समारोहया बुखँ संकलन यायेत स्वदेशी व विदेशी सञ्चार संस्थाया प्रतिनिधिपिनिगु नापं आपालं ब्वति दुगु खः । शिविर जःखःया सुरक्षा व्यवस्था तसकं तच्वयेकूगु खः । जङ्गल क्षेत्रय् नेपाली सेनां विशेष सुरक्षा ब्यूगु खःसा शिविरदुने जनसेनां सुरक्षा प्रबन्ध मिलय् याःगु खः ।
