भाय् स्यनामितय्गु गुँभ्वय्

येँ (झीगु स्वनिगः)

नेपाल स्यनेज्याकुथिया ग्वसालय् म्हिगः खोनाय् छगू गुँभ्वय्या ज्याझ्वः याःगु दु । नेपालभाषा स्यने विधि क्वचाःगु लसताय् उगु ज्याझ्वः याःगु खः । डा. महेशमान श्रेष्ठया मूपाहांसुइ जूगु उगु ज्याझ्वलय् प्रशिक्षार्थीपिनिगु पाखें प्रशिक्षकपिं सुवर्णमान तुलाधर, विष्णु चित्रकार, प्रेमहिरा तुलाधर व निर्मल बज्राचार्यपिंत लुमन्ति पौ व ज्याकुथियात सुभाय् पौ लःल्हाःगु खः । राजेन्द्र रञ्जितं ज्याझ्वः न्ह्याकूगु उगु ज्याझ्व महेश्वर मानन्धरया सभापतित्वय् जूगु खः ।