ज्याझ्वलय् छु छु जुल ?

चितवनया शक्तिखोरस्थित स्वंगूगु डिभिजनय् म्हिगः ग्वसाः ग्वःगु विशेष समारोहलय् प्रधानमन्त्री माधबकुमार नेपालं शिविरय् नेपाःया राष्ट्रिय ध्वाँय् ब्वयेका दीगु दु । प्रधानमन्त्री नेपाल व माओवादी नायः प्रचण्डं जनसेना विशेष समिति मातहत वःगु प्रतिकात्मकरुपं ह्याउँगु बेलुन ब्वयेका दीगु खः । विशेष समारोहलय् जनमुक्ति सेनां थीथी रणकौशल प्रदर्शन याःगु खः । विशिष्ट अतिथि लिसे अतिथितय्गु आसन ग्रहणलिपा जनमुक्ति सेनां राष्ट्रिय म्येपाखें सलामी देछायादीगु खःसा ज्ञात अज्ञात शहीदतय्गु सम्मानय् छगू मिनेट मौनधारण नापं यायेगु ज्या जूगु खः । जनमुक्ति सेनाया ब्यान्ड पुचलं 'जिपिं जनमुक्ति सेना खः,' धइगु म्येया धुन, स्वदेश म्ये लिसे थीथी नेपाःया थीथी परम्परागत साँस्कृतिक ज्याझ्वःत प्रदर्शन यायेगु ज्या न्ह्याकूगु खः ।