जनसेना थःगु हे चेन अफ कमाण्डय् : पासाङ

जनमुक्ति सेनाया कमाण्डर नन्नकिशोर पुन पासाङं विशेष समितिया मातहतय् तःसां तबिं जनसेनात थःगु हे चेन अफ कमाण्डय् न्ह्योने वनीगु धयादीगु दु । जनसेनायात सेना समायोजन विशेष समितिया मातहतय् तःगु धकाः घोषणा यायेगु नितिं चितवनया शक्तिखोरय् च्वंगु तेश्रो डिभिजनय् जूगु विशेष ज्याझ्वलय् पासाङं विशेष समितिया मातहतय् वंसां तविं जनसेनात थःगु हे चेन अफ कमाण्डय् च्वनीगु धयादीगु खः । वय्कलं जनसेनात व्यवहारिक कथं विशेष समितिया मातहतय् वंगु धयादिल । वय्कलं जनसेना हस्तान्तरण शान्ति व संविधान निर्माण प्रक्रियाया नितिं छगू कोशेढुङ्गा जूगु नं धयादीगु दु ।