ओबामाया नकाब पुया लुटपाट

Posted on Sat Jan 22, 2011 1:09 pm NST

संयुत्त राज्य अमेरीकाया राष्ट्रपति बाराक ओबामा थः चिनियाँ समकक्षी हु जिन ताओनाप निगू देय् दथुइया स्वपू बांलोकेगु निंतिं खाँल्हाबंलाय् व्यस्त जुयाच्वंगु इलय् युरोपय् धाःसा वय्कःया नकाब पुया छम्ह लुटेरा लुटपाटय् सक्रिय जूगु दु ।

मध्य युरोपय् लाःगु अष्ट्रियाया हान्डेनबर्गय् शुक्रवाः अमेरिकी राष्ट्रपति ओबामाया नकाब पुया लुटेरां छगू बैंक लुटे याःगु दु । ल्वाभः ज्वनाः याकःचा वःम्ह उम्ह लुटेरां म्होतिं झिद्वः युरो लुटे यानाः थःगु हे कारय् च्वनाः बिस्यूवंगु खः ।

अष्ट्रियन पुलिसया कथं ओबामाया नकाब पुया लुटे यायेगु ज्याय् उम्ह लुटेरा वंगु निदँ निसें सक्रिय जुयाच्वंगु दु ।