इराक क्वाटर फाइनलय्
येँ (झीगु स्वनिगः)
कतारय् न्ह्यानाच्वंगु एशियन कप फुटबल धेंधेंबल्लाः कासाय् इराक क्वाटर फाइनलय् थ्यंगु दु । लिग चरणया थःगु लिपांगु कासाय् वंगु बहनी उत्तर कोरियायात १ - ० गोलं बुकाः इराक क्वाटर फाइनलय् थ्यंगु खः । समूह उपविजेता जुयाः क्वाटर फाइनलय् थ्यंगु इराक लिपांगु टोली खः । इराकया जितय् मोहम्मद करार जसिनं कासाया २२ औं मिनेटय् निणर्यक गोल याःगु खः । हारलिसे उत्तर कोरिया धेंधेंबल्लाः कासापाखें पिहांवंगु दु ।
क्वाटर फाइनलय् इराकं आः अष्टे्रलियालिसे धेंधेंबल्लाः कासा म्हिती । वंगु बहनी हे जूगु मेगु धेंधेंबल्लाः कासाय् इरानं संयुक्त अरब इमिरेट्स -युएई) यात ३ - ० गोलं बुकूगु दु । स्वक्वःतक्कया बिजेता इरानया नितिं असिन अस व मोहम्मद नुरीं छगू छगू गोल याःगु खः । वालिद अर्बासं आत्मघाती गोल यायेधुंकाः इरानं ३ - ० या नतिजा पिकाःगु खः । न्हापांगु चरणय् दुहांवनेत स्पष्ट स्वंगू अंक आवश्यक दुगु अवस्थाय् फयेमाःगु हारं युएई धेंधेंबल्लाः कासापाखें पिहांवंगु दु । क्वाटर फाइनलया कासा थौंनिसें न्ह्याइगु जूगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
