सहारायात सहारा यूकेया ग्वाहालि

पोखरा (झीगु स्वनिगः)

पोखराया सहारा क्लबया दयेकाच्वंगु साहारा एकेडेमीया ग्वाहालिया नितिं नेपाः पाखें विदेशय् च्वनांच्वंपिं थीथी मनूतय्सं विहीवाः ४ लख ३१ द्वः झिंछतकाः धेबा आर्थिक ग्वाहालि याःगु दु । क्लबं वंगु न्ह्यला न्ह्योनिसें पोखरा-१७ य् च्वंगु दोविर्लाय् २६ रोपनी जग्गाय् सुविधा सम्पन्न एकेडेमी दयेकेगु ज्या यानाच्वंगु खः । नवौं आहा गोल्ड कपय् ब्वतिकायेगु नितिं पोखराय् वःगु सहारा यूकेया टिमयात लसकुस यायेगु नितिं विहीवाः ग्वसाः ग्वःया तःगु छगू ज्याझ्वः दथुइ उगू धेबा लःल्हाःगु खः ।

सहारा यूकेया पाखें अध्यक्ष नविन गुरुङं सहारा क्लब पोखराया अध्यक्ष बिक्रम थकालीयात छगू लखया चेक लःल्हाःगु खः । उगु ज्याझ्वलय् पत्रकार महासंघ कास्कीया छेँ दयेकेगु नितिं नं सहारा क्लब यूकें न्यय्द्वः धेबा ग्वाहालि याःगु खः ।

More Stories Like this