ट्राफिक नियम पालन मयाःपिंत सार्वजनिक माफि
येँ (झीगु स्वनिगः)
ट्राफिक नियम पालन मयाइपिनिगु नितिं ट्राफिक प्रहरी अभियान हे न्ह्याकूगु दु । थनया भोताहितिइ ट्राफिक नियमकथं तां मवंसे जबरजस्ती लंदथुं वंपिंत ज्वज्वं माइकं सार्वजनिक माफी फ्वंकाः त्वःताः च्वंगु दु । म्हिगः सुथंनिसें अथे ट्राफिक नियम उल्लंघन यानाः लँ काटय् याःपिं करीब डेढसय मनूतय्त माइक ज्वंकाः ट्राफिक प्रहरीं अथे सार्वजनिक माफी फ्वंकाच्वंगु खः ।
ट्राफिक नियमकथं आकासे पुल वा तां दःथाय् तां व मेमेगु थासय् जेब्राक्रसं जक लँ काटय् यायेगु पाखे मवंसे न्ह्यःनेलाः थासं लँ काटय् यायेगु यानाच्वंगु दु । भोताहितिइ जक काचाक्क लँ काटय् यायेमजिक डिभाडर आदि तयाः तःगु दुसा उकियात हे हाचां गयाः वनेगु यानाच्वंगु दु ।
