पूँजी बजारय् नीगू करोडया कारोबार

येँ (झीगु स्वनिगः)

नेपाल स्टक एक्सचेन्जय् बुधबाः जूगु कारोबारय् नेप्सेय् खासै उतार-चढाव खनेमदु । बुधबाःया कारोबारय् नेप्सेय् शून्य दशमलव १८ या गिरावटलिसे ४०३.२८ या बिन्दुइ थ्यंगु दु । नेप्सेय् बुधबाः कूल न्हय्च्यागू कम्पनीया द्वःछि खुसः व झिंप्यंगू कारोबारपाखें गुइखुद्वः व न्यासः व न्यागू कित्ता शेयरया खरिद जुयाः छगू करोड च्यय्निगू लख न्हय्न्याद्वः व गुसः व झिंन्हय्तकाया कारोबार जूगु दु ।

देशय् राजनीतिक अस्थिरता कायम हे जुइगु बजारय् वंगु छुंदिंनिसें कारोबार धेबा धाःसा तसकं कुहांवःगु दु । बुधबाःया कारोबारय् अप्वः शेयर खरिद बिक्रि जुइगु सस्थाय् युनिक फाइनान्सियल इन्स्टीच्युशनया ३२५, गौरीशङ्करया २१९ गू, मनकामना विकास बैङ्कया १७१ व कृषि विकास बैङ्कया १०६ गू कारोबार जूगु दु ।
बुधबाःया कारोबार छु नं विशेष कम्पनीया बजाः मूल्यय् तःधंगु अन्तर धाःसा खनेमदु ।

More Stories Like this