अरुण कुमार श्रेष्ठ स्मृति रेपिड चेस टुर्नामेन्ट जुइगु

येँ (झीगु स्वनिगः)

द हिमालयन चेस क्लबया ग्वसालय् थ्वहे माघ ७ व ८ गते मदुम्ह अरुणकुमार श्रेष्ठ स्मृति रेपिड चेस टुर्नामेन्ट ग्वसाः ग्वइगु जूगु दु । नेपाल बुद्धिचाल संघया पुलांम्ह न्वकु लिसे पूर्वाञ्चलया नांजाःगु क्लब नाइट चेस क्लब झापाया संस्थापक नायः श्रेष्ठं वंगु महिना पुस १२ गते थःम्हं हे गयाःवंगु कार दुर्घटनाय् मदुगु खः ।

स्वीस लिग ७ - ७ राउण्डया कासा जुइगु उगु टुर्नामेन्टया कासात राष्ट्रिय खेलकुद परिषद्या परिसरदुने भिजन २०२० सचिवालयसं न्ह्यायेत्यंगु खः । अथेहे थुगु टुर्नामेन्टय् नेपाःया शीर्ष पीम्ह कासामिपिनिगु ब्वति दइ । गुकिइ मध्ये न्हाप निसें न्हय्गूगु थाय्तक्क प्राप्त याइपिं कासामिपिंसं झिद्वः तका धेबाया सिरपाः त्याकीगु टुर्नामेन्ट संयोजक ज्ञानेन्द्र खाइजुं जानकारी ब्यूगु दु ।

More Stories Like this