जापान व जोर्डन क्वाटर फाइनलय्

येँ (झीगु स्वनिगः)

जापान व जोर्डन एशियन कप फुटबलया क्वाटर फाइनलय् थ्यंगु दु । समूह चरणय् अपराजित जुयाः समान सात अंक काःसां नं गोल औसतया आधारय् जापान विजेता व जोर्डन उपविजेता जुयाः लिपांगु आठय् थ्यंगु खः । समूह 'बी' या थःगु लिपांगु कासाय् म्हिगः बहनी जापानं साउदी अरेबियायात ५ - ० गोलं पराजित याःगु खः । जापानया सिन्जी ओकाजाकीं ह्याटि्रक याःगु खः । सेमिफाइनल दुहांवनेगु नितिं जापानं आः ग्वसाः ग्वःगु देय् कतारलिसे धेंधेंबल्लाः कासा म्हिती । वंगु बहनी हे जूगु मेगु धेंधेंबल्लाः कासाय् जोर्डनं सिरियायात २ - १ गोलं पराजित याःगु खः । सेमि फाइनल दुहांवनेगु नितिं जापान आः उज्वेकिस्तानलिसे धेंधेंबल्लाः कासा म्हिती ।

More Stories Like this