किपू नगरपालिकां ब्वनामिपिंत अध्ययनशील याइगु
किपू (झीगु स्वनिगः)
किपू नगरपालिकादुनेया ब्वनामिपिंत अध्ययनशील दयेकाः उच्च शिक्षा तहलय् विशिष्ट श्रेणीइ पास याकाः राष्ट्रिय व्यक्तित्वया तहलय् थ्यंकेत सक्षम दयेकेगु नितिं प्रोत्साहनकथं मानविकी, विज्ञान, व्यवस्थापन व शिक्षा संकायपाखें १० जोड २ वा उगु सरहया तहलय् अध्ययन यानाः किपू नगरपालिकाय् स्थायी बसोबास यानाः वयाच्वंपिं ब्वनामिपिं मध्येय् २०६५/२०६७ ब्याचय् सर्वोत्कृष्ट लिच्वः हयेत ताःलाःपिं प्रत्येक संकायया न्हाप व ल्यू लाःपिं ब्वनामिपिंत कीर्तिपुर बहुउद्देश्यीय सहकारी संस्था लिमिटेडं प्रोत्साहनकथं धेबा सिरपाः लिसे सम्मान पत्र लःल्हायेत्यंगु दु ।
उकिं सम्बन्धित विद्यार्थी वर्गं थःगु शैक्षिक प्रमाणपत्रया प्रतिलिपिलिसे थ्वहे माघ १७ गतेदुने सहकारी संस्थाया ज्याकुथिइ निवेदन बिइगु नितिं सुचं नापं ब्यूगु दु । उगु ईदुने दर्ता मजूगु लिसे हुलाकपाखें वःगु निवेदनयात मान्यता मदइगु नं सहकारीं जानकारी ब्यूगु दु ।
