व्यवस्थापिका वैठक हाकनं थौं
येँ (झीगु स्वनिगः)
प्रधानमन्त्री निर्वाचनबारे संसद नियमावली संशोधनय् एकीकृत नेकपा माओवादी, नेपाली कांग्रेस व नेकपा एमालेदथुइ खँ क्वःछीमफयेवं मंगलवाःया व्यवस्थापिका संसदया वैठक स्थगित जूगु खः । प्रधानमन्त्री निर्वाचन प्रकृया परिणाममुखी दयेकेत जुइत्यंगु नियमावली संशोधनया विषयवस्तुयात दलतय्सं थःथःगु स्वार्थ अनुकूल जुइगु गठबन्धन दयेकेत ग्वाहालि जुइगु कथंया नियमावलीया व्यवस्था यायेत स्वःबलय् सहमति जुइमफूगु खः ।
मंगलवाःया बैठकय् संशोधित प्रस्ताव मवयेवं वैठक थौं स्वताः ईतक्कया नितिं स्थगित जूगु दु । प्रधानमन्त्रीया थीथी प्रस्तावयात पालंपा निर्णयार्थ निर्वाचनय् यंकेगु आः दुगु नियमावलीया व्यवस्थायात संशोधन यानाः फुक्क प्रस्तावयात छक्वलं मतदानय् यंकेगु व्यवस्था यायेगु विषयलय् सहलह जूगु श्रोतं धाःगु दु ।
