राष्ट्रपतिं सहमतिया नितिं ब्यूगु इलय् सरकार दयेके मफइगु - सीपी गजुरेल
येँ (झीगु स्वनिगः)
एकीकृत नेकपा माओवादीया छ्याञ्जे सीपी गजुरेल 'गौरवं' राष्ट्रपतिं सहमतिया नितिं ब्यूगु न्ह्यन्हुयादुने सहमतीय सरकार दयेके मफइगु धयादीगु दु । वय्कलं थ्व स्वयाः न्ह्यः नं राष्ट्रपतिं सहमतिया सरकारया नितिं ई ब्यूसां नं व सम्भव जुइमफूगु न्ह्यथनादिसें आः बहुमतीय आधारय् सरकार दयेकीगु धयादीगु दु । रिर्पोटस क्लबय् मंगलवाः ग्वसाः ग्वःगु साक्षात्कारय् वय्कलं तःधंगु दलया हैसियतं बहुमतीय प्रणालीपाखें हे माओवादीया नेतृत्वय् सरकार दयेकीगु दाबी यानादिल । मेगु छगू प्रसंगय् वय्कलं भारतपाखें नेपालय् ल्वाभः दुहांवःगु दिंनिसें शान्ति सम्झौता नं भंग जुइगु ख्याच्वः नापं बियादीगु दु ।
