प्रतिनिधि कवि गोष्ठी

येँ (झीगु स्वनिगः)

विराट नेपालभाषा साहित्य सम्मेलन गुथि व नेपाल प्रज्ञा प्रतिस्थानया मंकाः ग्वसालय् वइगु माघ ८ गते शनिवाः नेपालभाषा प्रतिनिधि कवि गोष्ठी जुइत्यंगु दु । प्रज्ञा प्रतिस्थानया उप कुलपति बैरागी काइला व जनकवि दुर्गालाल श्रेष्ठया मूपाहांसुइ जुइगु उगु गोष्ठीइ नांदंपिं स्वीम्ह कविपिसं कविता न्यंकीगु ज्या याइ । विराट नेपालभाषा साहित्य सम्मेलन गुथिया लुँबुदिंया लसताय् उगु गोष्ठी जुइत्यंगु खः । कमलादीस्थित प्रज्ञा प्रतिस्थानया भवनय् जुइगु गोष्ठी न्हिनसिया १२:३० ताः इलय् जुइ ।