भारतं ल्वाभः बिइत्यंगुलिं माओवादीया आपत्ति

येँ (झीगु स्वनिगः)

राष्ट्रसंघीय मिसन अनमिन नेपालं लिहां वनेवं हे नेपाली सेनाया नितिं घाटक ल्वाभः भारतं बिइगु तयारी याःगुयात कयाः एकीकृत नेकपा -माओवादीं) आपत्ति प्वंकूगु दु । माओवादीया म्हिगः मंगलवाः स्थायी समितिया मुँज्यालिपा संचारकर्मीतलिसे खँल्हासें प्रवक्ता दिनानाथ शर्मां भारतं ल्वाभः हयेत्यंगु धैगु शान्ति प्रक्रियाया विरोधी खः धासें आपत्ति प्वंकादीगु दु । भारतं ल्वाभः हयेत्यंगु दु धकाः भारतीय पत्रिकापाखें हे बुखँ पिदनेवं बय्बय् जूगु खःसा माओवादीं आपत्ति प्वंकूगु खः ।