म्हिगः राष्ट्रिय सरकारया घोषणा
ट्युनिसिया (एपी)
ट्युनिसियाय् सोमवाः संयुक्त राष्ट्रिय सरकारया घोषणा याःगु दु । प्रधानमन्त्री मोहम्मद घनुचीं जनताया नामय् राष्ट्रिय टेलिभिजनपाखें सम्बोधन यानाः थुकिया बारे जानकारी ब्यूगु खः । प्रधानमन्त्री मोहम्मदं देय्या सुरक्षा अबस्थाय् छुं संकटय् दुगु कारण धैर्य यायेत जनतालिसे इनाप याःगु दु । वय्कलं देशय् लोकतान्त्रिक पद्धतिकथं हे सत्ता सञ्चालन यायेगु थःगु बिचाः दुगु जानकारी ब्यूसें दृढ इच्छाशक्तिलिसे संकट समाधान यायेगु धाःगु दु । थ्वहे दथुइ, सुरक्षा बल व राष्ट्रपतिया सैनिकदथुइ राष्ट्रपति भबनपिने ल्वापु नापं जूगु खः ।
राष्ट्रपतिया समर्थकतय्सं सतकय् पत्रकारतय्त नापं दाःगु बीबीसीं जानकारी ब्यूगु दु । राष्ट्रपति वेन अलिं पद त्याग यासें साउदी अरेबियाया शरणय् थ्यनेधुंकाः, ट्युनिसियाया घटनायात कयाः यमन, जोर्डन, लेबनान लगायतया देशय् नं प्रदर्शन यानाः वयाच्वंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
