उज्वेकिस्तान व कतार एशियन कपया क्वाटर फाइनलय्

येँ (झीगु स्वनिगः)

उज्वेकिस्तान व कतार एशियन कप फुटबलया क्वाटर फाइनलय् दुहांवंगु दु । चीनयात वंगु बहनी २ - २ गोलया बराबरीइ दिकाः उज्वेकिस्तान सात अंकलिसे समूह बिजेता जुयाः लिपांगु आठय् थ्यंगु खः ।
हारलिसे चीन धेंधेंबल्लाः कासापाखें पिनेवंगु दु । कासाय् अग्रता धाःसा यु हइया गोलपाखें चीनं खुगूगु मिनेटय् अग्रता काःगु खः । उज्वेकिस्तानया ओडील ओहमेदोबं स्वीगूगु मिनेटय् बराबरी याःगु खः । अलेक्जेन्ड्रविक्सं उकिया झिंखुक्वःगु मिनेटलिपा थप छगू गोल यानाः कासायात २ - १ या अवस्थाय् हःगु खः । चीनया हु जुन मिनं न्यय्खुगूगु मिनेटय् गोल यायेधुंकाः कासा २ - २ गोलया बराबरीइ दिकूगु खः । अथेहे लिपांगु आठय् च्यागू सुरक्षित यायेगु झ्वलय् आयोजक कतारं कुबेतयात ३ - ० गोलं बुकूगु खः । म्हिगः हे बहनी जुइगु धेंधेंबल्लाः कासाय् समूह 'बी' सं दुगु साउदी अरेबिया व जापान अलरायन स्टेडियमय् व जोर्डन व सिरीया कतार स्र्पोट्स क्लब स्टेडियमय् धेंधेंबल्लाः कासा जूगु दु ।

More Stories Like this