मैत्रीपूर्ण फुटबल कासाय् पत्रकारतय्त खसी

साँगा (झीगु स्वनिगः)

नेपाल प्रहरी आवासीय उच्च मावि साँगा व नेपाल पत्रकार महासंघ काभ्रे शाखा दथुइ म्हिगः जूगु मैत्रीपूर्ण फुटबल कासाय् पत्रकारत त्याःगु दु । नेपाल प्रहरी उमावि व महासंघ काभ्रे दथुइ जूगु मैत्रीपूर्ण फुटबल बराबरी जुइवं ग्वसाः खलः विद्यालयं उत्कृष्ट कासा म्हितुगू व अतिथि जूगु कारण पत्रकारतय्त २४ किलोया खसी व अमेरिकी २ डलर लःल्हाःगु खः । सोमबाः सुथय् प्रहरी स्कुलं ग्वसाः ग्वःगु फुटबल कासाय् पत्रकार व प्रहरीं ४/४ गोल याःगु खः । ग्वसाः खलः पाखें डिएसपी राजुबाबु श्रेष्ठ, बनेपाया प्रहरी निरिक्षक सन्तोष तामाङ, जिल्ला ट्राफिक प्रहरी निरिक्षक गोविन्द कार्की, पत्रकार महासंघ काभ्रेया नायः भोला थापा, सल्लाहकारत सुरेश हुमागाई व ईश्वरी ओझा लगायतपिंस कासाय् ब्वति काःगु खः ।

More Stories Like this